5de Week na Epifanie

1 Korintiërs 15: 1-11

Marius Nel wys op Paulus se uitgebreide korrespondensie met die gemeente in Korinte. Volgens 1 Korintiërs 5: 9 het hy vantevore ‘n brief aan hulle geskryf, waarop die gemeente met hulle eie brief geantwoord het (1 Kor 7 : 1) In hulle brief het hulle Paulus oor verskeie kwessies uitgevra, waarvan Jesus se opstanding een was. In die brief wat ons as 1 Korintiërs ken, antwoord Paulus breedvoerig op dié vrae en hy gee aandag aan probleme in die gemeente waarvan hy verneem het.