25ste Week in Koninkrykstyd

Romeine 5 : 12-21

Moment 1

Hoeveel te meer ’n Parallel word tussen Adam en Jesus getrek rondom die effek wat een mens kan hê. In die geval van Adam, wat geïnterpreteer moet word as ’n voorstelling van die mensdom, is die effek dood en sonde. In teenstelling met Ad-am oortref Jesus se optrede Adam se ongehoorsaamheid en verkeerde treë keer op keer met die geskenk van die opstanding. God werk deur Jesus. As God steeds besig is met mense terwyl hulle ongehoorsaam is, hoeveel te meer sal Christus nie genade bewys aan diegene wat in Hom glo nie?