Eerste week in Lydenstyd

Genesis 9 : 8-17

Genesis 9 vertel van God se verbond met Noag en die teken van die Reënboog. Verbond word ook as “belofte” vertaal en kan verstaan word as ‘n “kontraktuele verbintenis” of “testament. “ Verbondsverhoudings het in volksverband laasgevind, eerder as bloot met individue. In die Ou Testament geniet die hele volk die voordele van die verbond. In Genesis 9 maak God ‘n belofte aan Noag, sy familie, hulle nageslag asook al die lewende wesens—dus die hele skepping. Hy gee die reënboog as teken van dié verbond.