Sesde week in Lydenstyd

Filippense 2 : 5-11

Ons is in die Groot Lydensweek na Palm-/Passiesondag. Stephan Joubert (in Ontsluit die Bybel) fokus sò op hierdie gebeure: Die Lydende Redder en Heer; op die nuwe roete agter Christus aan. In die eerste deel van ons Skrifgedeelte getuig Paulus oor Christus en sy voorbeeld van selfopoffering. In die tweede deel praat Paulus oor sy besluit om Christus te dien en roep die Filippense op om hom daarin te volg. Paulus rig ‘n appèl tot die gelowiges in Filipi (en ons) om te reageer op dit wat Christus gedoen het. Hulle moet God gehoorsaam dien in navolging van Christus. Soos Paulus self gedoen het.