18de Week in Koninkrykstyd

Jakobus 5:13—20

Die boek van Jakobus bevat ‘n treffende versameling spreuke en wyshede wat bou op die tradisie van Jesus se Bergpreek en die wysheidsliteratuur van Spreuke. ‘n Hooftema in Jakobus is Jesus se interpretasie van die Tora. Vir Jesus word die hele Tora omvat deur liefde vir God met jou hele hart, asook liefde vir jou naaste soos vir jouself. Jakobus beskou hierdie waarheid as belangrik vir elke gelowige. Dit beteken dat geloof aktief is. Jou geloof is dus dood sonder dade.