1ste Week in Koninkrykstyd

Psalm 8

Hierdie Psalm van Dawid is ‘n lied wat deur die musiekleier op die harp begelei moet word. Die Hebreeus gebruik twee woorde vir “Here” in die uitdrukking “Here, ons Here” (v 2, 10) naamlik Adon en JHWH. In Engels word dit met Lord en Jehova vertaal. Hans-Joachim Kraus noem in sy bespreking van Jahwe as Here van Israel dat adon die benaming is vir die een wat sterker en kragtiger is. As Adon is die God van Israel dus Heer en Meetser in onbeperkte soewereiniteit en vryheid.