Tweede Sondag 'n Epifanie

Johannes 1:29-42 (AFR83)

Moment 1

Die Lam van God Die voorafgaande verse dien as 'n inleiding wat ons help fokus op God se mensword-ing. Dit is binne hierdie konteks dat Johannes vir Jesus herken vir wie Hy werklik is. Die beskrywing van Jesus as die Lam word verstaan aan die hand van God se versoening met die mens deur offer-gawes. Andreas en Petrus wys ons egter dat om Jesus as die Lam van God te herken nie genoeg is nie. Hierdie herkenning moet oorgaan in gehoorsaamheid.

Kan jy die oomblik onthou toe jy besluit het om Jesus te volg?

Moment 2

Kom kyk! Johannes se getuienis beklemtoon nie net Jesus se identiteit as die Messias nie, maar dit dien ook as uit-nodiging aan die dissipels om self ondersoek in te stel. Jesus se eenvoudige woorde: "Kom kyk!" rig die uitnodiging om hul eie opinie te kom vorm oor wat Johannes geprofeteer het. Wat beteken Johannes se getuienis dat Jesus die Lam van God is wat die sonde van die wêreld wegneem in jou lewe?

Hoe sou jy reageer as Jesus jou sou uitnooi om self te kom kyk?