Sewentiende week in Koninkrykstyd

Lukas 17 : 5-10

In hoofstuk 17 van sy Evangelie het Lukas verskeie van Jesus se korter uitsprake byeengebring. Daar is tog ’n gemeenskaplike tema wat hierdie versameling uitsprake deurweef, naamlik die nederigheid waarin navolgers van Jesus hopelik groei. Geloof(17:5-6) vra vir ’n diep oortuiging oor God se vermoë en jou eie onvermoë; nederigheid. Diens-baarheid(17:7-10) vra vir die regte perspektief op jou dienaarstatus in verhouding met God: nederigheid.