Twintigste week in Koninkrykstyd

1 Tessalonisense 1 : 1 -10

Dit lyk asof Paulus hier nie genoeg goeie goed oor die gemeente kan sê nie. Hy blyk baie ingenome met hulle te wees, veral oor hulle geloof. Saam met hierdie lof vir die gemeente spreek Paulus ook sy hoop uit oor wat die gemeente nog kan word, veral na aanleiding van die transformasie wat reeds deur God in hulle bewerkstellig is.

Tessalonika is op ‘n belangrike handelsroete geleë. Die gelowiges het met mense van baie verskillende plekke te doen gekry. Dit word ’n belangrike plek om hulle getuienis uit te leef.